13 ноябрь куни маданият институтида 4 та ОТМнинг «Талабалар театр студияси» қатнашчилари театр фестивалининг минтақавий босқичида иштирок этишди. Булар Ўзбекистон Миллий университети, Тошкент давлат шарқшунослик университети, Тошкент давлат Педагогика университети ва Тошкент давлат стоматология институтлари. Бу кўрик-танловда ТДСИнинг «Шифо» талабалар театр студияси «Машраб қиссаси» номли саҳна кўриниши билан иштирок этиб, мутлоқ ғолиб деб топилди ва Республика финал босқичида иштирок этиш учун йўлланмани қўлга киритди. Ўзбекистон миллий университети талабалари пандемия шароитидаги воқеаларига оид бўлган, Тошкент давлат шарқшунослик университети ОТМлардаги онлайн таълим тизиминининг, яъни ZOOM платформаси дарсларининг муаммоларига оид бўлган ҳамда Тошкент давлат Педагогика университети эса инсонларнинг қадр-қиммати ва ишончининг сувистеъмол бўлаётгани ҳақидаги саҳна кўринишлари билан чиқдилар.
0 комментариев